შპს „სადისტრიბუციო კომპანია ძველი კახეთი“ წარმოადგენს KTW ჯგუფის წევრ კომპანიას, რომელიც ახორციელებს „კახური ტრადიციული მეღვინეობის“ ალკოჰოლური პროდუქციისა და „ნენას“ სავაჭრო ნიშნის ქვეშ წარმოებული პროდუქციის დისტრიბუციასა და ონლაინ გაყიდვებს საქართველოს მასშტაბით.
კომპანია ,,კახური ტრადიციული მეღვინეობის" ისტორია XIX საუკუნის 80-იან წლებში გურიის სოფელ ასკანაში მცხოვრებ მეღვინეს, ანთიმოზ ჩხაიძეს უკავშირდება, რომელმაც იმ დროისათვის ერთ-ერთი საუკეთესო მარანი დააარსა და უნიკალური ღვინის - ჩხავერის დამზადება დაიწყო. მან ამ ღვინით სახელი გაითქვა არა მარტო საქართველოში, არამედ ევროპის სხვადასხვა ქვეყანაშიც. მარნის ტერიტორიაზე აღმოჩენილი უძველესი ქვევრი 1880 წლით თარიღდება.
საგვარეულო ტრადიციებზე დაყრდნობით, 2001 წელს, მისმა შთამომავალმა - ზურაბ ჩხაიძემ კომპანია "კახური ტრადიციული მეღვინეობა" დააფუძნა, რომელიც მეღვინეობის 8000-წლოვანი, ისტორიული ტრადიციების გამგრძელებელია.
KTW-ს ძირითადი მიმართულებაა აღმოსავლეთ და დასავლეთ საქართველოში გაშენებული უნიკალური ვაზის ჯიშებისგან მაღალი ხარისხის ღვინის, ბრენდის, ტრადიციული ჭაჭისა და ცქრიალა ღვინის წარმოება. კომპანია ფლობს ვენახებს რაჭა-ლეჩხუმში, საგარეჯოში (მანავი, ახაშენი, ვაჩნაძიანი), ყვარელსა (ახალსოფელი, თელავი, წინანდალი) და ქართლში (საგურამო).
კომპანიის მრავალმხრივი საქმიანობის განუყოფელი ნაწილია მივიწყებული ქართული ვაზის ჯიშების აღდგენა და ღვინის წარმოება. სწორედ ,,კახურმა ტრადიციულმა მეღვინეობამ“ აღადგინა უნიკალური ყურძნის ჯიშები ილია ჭავჭავაძისეული ვენახებიდან, რომელთა მეშვეობითაც დღესდღეობით აქტიურად ამზადებს სხვადასხვა სახის ღვინოს ისტორიულ ,,გურამიშვილის მარანში“.
,,კახური ტრადიციული მეღვინეობა“ აქტიურად გადის ევროპის, აზიისა და დსთ-ს ქვეყნების ბაზარზე, არის ქართული ბრენდის წარმოებისა და გაყიდვების ლიდერი 2008 წლიდან დღემდე; ფლობს ISO 22000-ის სტანდარტების შესაბამის ღვინის ქარხნებს პატარძეულში, ველისციხეში, მანავში, საგურამოსა და ქედაში.
კომპანია ასევე აქტიურად არის ჩართული ღვინის ტურიზმში და მის შემადგენლობაშია ისტორიული ღვინის მარნები - ,,გურამიშვილის მარანი“ და ,,ველისციხის ვერანდა“, ასევე კომპლექსი „ახაშენი ღვინის კურორტი & სპა“ გურჯაანის რაიონში.
,,კახური ტრადიციული მეღვინეობა“ არის მრავალი საერთაშორისო კონკურსის გამარჯვებული, ესენია: ,,Decanter” , ,,Vinoterra” , ,,HKIWSC”, ,,WinExpo Georgia” , Sakura 2020, ასევე ფლობს 2016 წლის საუკეთესო საწარმოს ჯილდოს - ,,Golden Brand”.
2014 წელს, KTW ჯგუფმა განახორციელა ინვესტიცია ახალი მიმართულებით და ააშენა ორი ხილის გადამამუშავებელი საწარმოო ქარხანა დასავლეთ საქართველოში (ქედასა და ჩოხატაურში), რომლებიც ექსპულატაციაში შევიდა 2015 წლის სექტემბერში „ნენა“-ს სავაჭრო ნიშნით. ზემოთხსენებული საწარმოები შესაძლებელს ხდის მოამარაგონ ევროპული სტანდარტებით დამზადებული უმაღლესი ხარისხის პროდუქციით როგორც ადგილობრივი, ასევე საერთაშორისო ბაზრები.
„ნენა“-ს სავაჭრო ნიშნით წარმოდგენილი პროდუქცია აერთიანებს კომპოტის, მურაბის, ჯემის, ნექტრის, ასევე საწებლის ნაირსახეობებს, რომელთა შორის განსაკუთრებულ ადგილს ნამდვილი ქართული წარმოშობის ტყემალი და აჯიკა იკავებს. ასევე ახალ მიმართულებას - უმაღლესი ხარისხის ნატურალურ ქართულ თაფლს.
„ნენა“-ს პროდუცია არ შეიცავს ანტიბიოტიკებს, პესტიციდებს, გმო-ს და ქიმიურ დანამატებს, რომლებიც აკრძალულია საქართველოსა და ევროკავშირში.